قال الممثل الصاعد محمد علي التونسي أنه يدرس خطواته جيدا وأن له طموح كبير إذ أنه لا يرى نفسه في المستقبل نجم على المستوى المحلي فحسب إنما يرى نفسه نجم في مصر والعالم العربي ولما لا على المستوى العالمي.
وقال محمد علي التونسي في برنامج we talk مع إيناس بسباس إنه في عمره الآن يعتبر سابق لتجارب نجوم صف أول الأن لم يكونا في عمره بنفس ماقدمه هو
“أنا ماشي في سياسة المراحل خطوة خطوة … نجوم مكسرين الدنيا وصف أول في تونس وفي عمري 25 سنة كانوا لا شيء يعني أنا توا سابقهم … أنا ملي بديت عارف روحي وين ماشي وكل حاجة عندها وقتها … شفت روحي في جعفر العمدة في دور ولد محمد رمضان … الكاستينغات السنة في تونس كانوا مسطرين وبشهادة الناس الكل للأمانة ، كل واحد مخيط عليه دوره … أحنا عندنا مشكلة أنو نبداو قاعدين ونستناو الفرصة تجي وأنت تخدم عليها وتسعالها … أحنا توا حاصرين النجاح كان في رمضان … أنا ولد المسرح ويحز في نفسي وقتلي تنحيلي المسرح … أنا كي خذيت المشعل في 1616 الناس الكل تعرف شنوة صار … تلقى روحك ماخذ أحسن كوميدي ، وماكنتش نتصور في يوم الايام رؤوف بن عمر يقول محمد علي التونسي أحسن اكتشاف وقتلي هو خادم في الفوندو… الفنان القدير عبداللطيف خيرالدين قالهم أحسن بطل محمد علي التونسي ومحمد الداهش وفيصل وبحري الرحالي وأحمد الأندلسي وبرشا مخرجين واعلاميين …".
وأضاف محمد علي :" فما كلمة قالهالي لطفي العبدلي قالي كي تنجح يكرهوك ، وأنا كان مانجحتش في 1616 راني زوز رمضانات هذوما خدمت فيهم … في تونس إذا نجحت باش تاخو ورقة حمراء … أنا طموحي ماعندوش حدود ومانحلمش بركا بالمحلي نطمح للعالم العربي وعلاش العالمي ونرا روحي في يوم من الايام نجم عربي … بعد 5 سنين كان قعدنا حيين ، محمد علي التونسي نجم صف أول في مصر والعالم العربي".
الفيديو :