أقسام الوصول السريع ( مربع البحث )

منال عبد القوي :"يحبّو يضربو الموسم السياحي.. جربة خشينة عليهم وما تطيحش بكرطوشتين" (فيديو)

أعلنت وزارة الشؤون الخارجية والهجرة والتونسيين بالخارج، في بيان لها، أن المتوفيين في عملية جربة من الزوار هما تونسي (30 سنة) وفرنسي (42 سنة).

وكانت وزارة الدّاخليّة قد أعلنت مساء الثلاثاء 09 ماي 2023 أن عون حرس تابع للمركز البحري للحرس الوطني بأغير جربة أقدم على ق_تل زميله باستعمال سلاحه الفردي والإستيلاء على الذخيرة، ثمّ حاول الوُصُول إلى مُحيط معبد الغريبة وعمد إلى إطلاق النار بصفة عشوائيّة على الوحدات الأمنيّة المتمركزة بالمكان والتي تصدّت لهُ ومنعتهُ من الوصول إلى المعبد وأردتهُ قتي_لا.

وتعليقا على ذلك نشرت الممثلة منال عبد القوي أصيلة جربة تحدثت فيها عن الحادثة وما أخبرتها به والدتها :"كمّلت الخدمة مخّر روّحت تاعبة ماحلّيت حتى موقع تواصل اجتماعي ورقدت طول، توة كلمتني أمّي صوتها متبدّل قلبي طاح حسيتها بش تقولي خبر خايب خاصة في هالوقت قالتلي كيف ما كلمتينيش تحيّرت ولازم نطمنك احنا كلنا لاباس لكن مانعرفوش اش صار بالضبط وما عندنا حتى معلومة صحيحة، فمة كرطوش في مارينا ، سألتها صارت حاجة في الغريبة قالتلي ظاهرلي ما نجموش يخلطولها، امي متحيرة على جيراننا يهود جربة الي في الغريبة ومتحيرة على ايمان الشريف خاطر كلمتها بش تطلّ علبها ، ايمان صاحبة العايلة الكلّ، دخلت عالفايسبوك قلبي تحمّم ،من 2001 ربي ساترنا وعمرنا ما عشنا رعب ، الحكاية ظاهرة يحبوا يضربوا الموسم السياحي عموما ويشكّكوا في قدرة الدولة بش تحمي موسم زيارة الغريبة أما ما ينجموش،".

وأضافت منال :جربة خشينة عليهم وحقهم تفكروا بنقردان الغالية والدرس الي لقناتو لمن حاول يعتدي عليها وبنقردان بعيدة علينا اقل من ساعة يعني نفس الدم والروح والوطنية، الله يرحم الي ماتوا ربي يحتسبهم من الشهداء ، انا راني مصدومة ومش عارفة نفكّر تصوّروا الغريبة بعيدة على دارنا أربعة كيلومتر وجيرانا واحبابنا الكل غادي ، النية مفهومة وواضحة يحبّوا يشوّشوا عالغريبة ويدخلونا في متاهات سياسية دينية، ماتنجموووووووش خاطر الف مرة نقولولهم رانا في جربة نحملوا نفس بطاقة التعريف ومانكتبوش فيها الدين احنا جيران وولاد عم ....

سامحوني نرعش بكلني أما متأكدة الي جربة لاباس وماتطيحش بكرطوشتين، لا يوجعنا عليك يا جربة العز يا روح الروح

جربة جزيرتي صامدة".

الفيديو :









حجم الخط
+
16
-
تباعد السطور
+
2
-